සියල්ල ඉක්බිති ඔබ
හැර ගිය විටදී..
මට ඉතිරි වන්නේ
මෙපමණයි.. කඳුළ
සුසුමට පෙම්බඳින විට
ඉතිරි තනිකම විතරමයි..
අතැර යන දේ අතැර
දැමුපසු.. ඉතිරි වියෝ
දුක පමණමයි.. හිතන්න
හිතකුත් අහිමි වූ පසු
ඉතිරි හිස්තැන විතරමයි..
හිස් කඩදහියක හිස්තැන්
වචන හැඩකර ලියා පිරුවම
ඉතිරි සැනසුම විතරමයි..
``````````````````````````````````
෴%සඳකින්නරාවි%෴

මුළු දවස පුරාම කෝල

කථා.. චාටු කථා.. පිස්සු

කථා.. වලින් මගෙ මොලෙත්

පිරිලා ගිහින් වගේ.. පෙර

දවස අපේ නම්.. අදත් ඒ

ලෙසම වේ නම්.. හෙටත්

මා පැතුම එය නම්.. කල්ප

කාලාන්තරයක් වුවත් ඉවසා

බලා හිඳිය හැකියි මට..

ඔබේ දවස මට දුන්නු තෑග්ග

හදවතට තවම දැනෙනවා..

ගොළු වූ හදවත ගැහෙන

හඬ තවම ඇහෙනවා මට..

තෑන්ක් යූ.. ආදරෙයි ඔයාට

කියන්න බැරි තරම් මම..

````````````````````````````````````````````````````````

෴%සඳකින්නරාවි%෴

අපේ කතාව කෙතරම් දිගුද
මතකද අද ඊයෙද.. විශ්වාසය
රැකවරණය ආරක්‍ෂාව සහ
සැලකිල්ල එකි නෙකාගේ
අවබෝධයත් ඇතුළුව ගෙවුන
ඒ සුන්දර අතීතය.. මිහිරියි..
සුන්දරයි.. මට ඔබ හොඳම
හොඳ මිතුරෙක්.. මට සවන්
දුන් අවබෝධ කරගත් හා මගේ
දුර්වල තැන් පෙන්වා දුන්.. සමහර
විට එකඟ විය නොහැකි තැන්
තිබෙන්නට ඇති.. එහෙත් ඉවසීම
ඔබ මා ඉදිරියේදී කෙතරම් ප්‍රගුණ
කරන්න ඇත්ද.. මිතුරෙක් යනු
වචන වලට පමණක්ම සීමා නොවී
ලෙඩට දුකට සතුටට යන සියලුම
අවස්ථා වලදී නොසෙල්වී ලඟ හිඳින
මිතුරු තොමෝට බව ඔබ කියා දුන්නා..
```````````````````````````````````````````````````````````````````````
෴%සඳකින්නරාවි%෴

දරන්න බැරි ආදරේ හිතේ තියාගෙන
ඉන්න එක ගොඩාක් අපහසුයි.. අදයි
එයාගේ උපන්දිනේ.. ඒත් මට එයාත්‍
එක්ක සමරන්න තරම් වත් අයිතියක්
නෑ.. අසම්මතයට ආදරය කිරීම වරදක්
කිව්වත්.. මම එයාව කාගෙන්වත් උදුරන්
නෑ.. ඇත්තනම් මම එයාට ආදරේ කරනවා
විතරයි.. එයාගෙන් කිසිම දෙයක් නොඉල්ලා
නොලබාම මම එයාට ආදරෙයි.. හැබැයි
පුංචි දේටත් හිත රිදෝ ගන්නවා.. පුංචි
පුංචි රණ්ඩුවලත් පොඩි ගතියක් තියෙනවා..
වෙනදට වඩා එයාට මං ලඟින් ඉන්න සිද්ධ
වෙනවා.. සසරේ බැඳීම් කෙටි කරගන්න
උත්සහා කරද්දිත් අත්හල නොහැකි මට
එකම බැඳීම.. ආදරේ නිසාම වෙන්නැති..
එක දිනක්ම නෙවෙයි හැමදාමත් ඔයා
එක්ක ඉන්නම් මම දුකසැප හැමදේටම..
`````````````````````````````````````````````````````````````````````````
෴%සඳකින්නරාවි%෴

හරිම වෙහෙසයි.. දෑස් නිදි බරයි..
ඔළුව විකාරයි.. ගතම ඔත්පලයි..
ප්‍රාණය නිරුද්ධ වෙනවා නම්.. එකම
වරක්.. මේ සියල්ල විඳගන්න හැකී..
ජීවිතයත් විඳවමින් කායිකවත් විඳවන්න
අසීරුයි.. සතුට අහිමි බව දනිමි..
දුක කඳුළ අරුමයක් නොවෙයි.. එහෙත්
මියෙන තුරාවට හැමදාම හිනාවෙන්න
ආසයි.. ව්‍යාජව නොවෙයි අවංකව..
`````````````````````````````````````````````````````````````````````````
෴%සඳකින්නරාවි%෴

කොච්චර තරහින් දුකින්
කලකිරීමෙන් හිටියත්..
තමුන්ගේ ආදරේ ලඟට
ඇවිත්.. හායි බබී..
කිව්වම අර ඔක්කෝම
අමතක වෙච්ච ගොන්
නෑම්බි මම විතරමද
මන්දා.. එයාට මම
ආදරෙයි.. මම එයාට
ආදරෙයි.. ඈ.. මම කිව්වා
හරියටම හරි නේද..
``````````````````````````````````````````````````
෴%සඳකින්නරාවි%෴

දුකම විතරක් උහුලන්න හුරු
මට ඔබේ හැම විහිළුවක්ම
දරා ගන්න පුළුවන්.. රිදෙන
බව දැන දැනම රිදවන්නත්
පුළුවන්නම් හිත.. ජීවිතේම
කඳුළු සමඟ දියකරන් යන්න
තරමට දැඩිවෙන්නත් සදහටම
ඈත් වෙන්නටත් නිදහස ඔබේ
හිමිකර දෙන්නටත් මටත් පුලුවන්
නම්.. අතැර යන්නම් සියල්ලම..
යළි සුසුමවත් නොවදින්න.. දැවි
දැවී අහේතුකව පිළිස්සෙනවාට
වඩා අළුව දූහුවිලිව යන්නම්..
ආදරය නම් මට සසර පුරාම
මයාවක් විතරක්ම වූ බව සත්‍යක්..
`````````````````````````````````````````````````````````````````````
෴%සඳකින්නරාවි%෴

එකම එක මොහොතක් ඔබේ
දෙනෙත් දකින්න මම කෙතරම්
පෙරුම් පුරනවාද.. එක වදනක්
ඔබ හා දොඩන්න කෙතරම් නම්
සතුටක් හදේ පිරෙනවාද.. දැක
දැක නොදැක්කා වගේ උන්නත්
ඔබේ පැමිණීමම මට මොනතරම්
සතුටක්ද.. කී පාරක් නම් මම
හොරෙන් ඔබ දිහා බලනවාද.. මේ
සියල්ලම දැන දැනත් ආඩම්බර
හිතුවක්කාර කමට ඔබ ඉන්න
හැටි පේන කොට නම් ඇත්තටම
අහන්න හිතෙනවා ඔයා මට ආදරේ
නැද්ද කියලා.. මං ගැන ඇඹින්දක්
වත් හිතන්නේ නැද්ද.. ඇත්තටම
මම පව් නේද.. ඔයාට එහෙම මං
ගැන හිතෙන්නේම නැද්ද කියන්නකෝ..
`````````````````````````````````````````````````````````````````````
෴%සඳකින්නරාවි%෴

ඕනේ ඕනේ.. මට ඔයාව ඕනේ..
ඔයාගේ ආදරේ මට ඕනේ.. මම
ජීවත් වෙන්නේ හුස්ම ගන්නේ ඔයා
ගෙන්.. මගේ පණ ඔයා.. ආදරෙයි
ජීවත්වෙන තුරා.. පුංචි එකෙක් වගේ
ඔයාගෙ උණුහුමේ සුව විඳින්න..
අමාරු කාලවල දුක බෙදාගන්න..
සතුටත් එකසේ විඳින්න.. ආදරේ..
ගැන ගොඩාක් දේ කතා කරන්න..
මට ඔයා ඇරෙන්න වෙන කවුරුද..
මගේ අඳුරු ලොවම එළිය දුන් ඒ
මිණි පහණ මට ලෝකයක් වටිනවා..
`````````````````````````````````````````````````````````````````
෴%සඳකින්නරාවි%෴

සුන්දර දේ දකින්න පුලුවන්.. සුන්දර දේවිඳින්න පුලුවන්..සුන්දර විදියට හිතන්නපුලුවන්.. සුන්දර විදියටජීවත් වෙන්න අපහසුයි..ධෛවය හරස් වන තුරා..`````````````````````````````````````````````````෴%සඳකින්නරාවි%෴

ගිගුරුම් දී අකුණු ගහන්නේ
හරියට මගේ හදවතේ වගේ..
වහින්නේ දෑසින් කඳුළු රූරා
වැටෙන්නා වගේ.. නෑ මගේ
දෑස් තුල කඳුළු නෑ.. කඳුළට
තවත් ඉඩක් නෑ.. සියලුම අහිමි
වීම් හමුවේ.. තවත් පරාජයක්
අභියස මම හුදෙකලාවේම..
තත්වයක් නොමැති කෙනෙකුට
ශාපයන් හමුවේ පරාජය මිස
ආශිර්වාද කොයින්ද.. හුදෙකලා
වීම සතුටක්.. බැඳීම් වල සිරව
සිටිනවාට වඩා.. මෙවන් විටෙක
අසීරු වුවත් තනිවීම තුල දරාගත
හැකි ශක්තියක් තියෙනවා.. එහෙත්
හෙටින් පසු අවසානයක් මම දන්නේ
නෑ.. සියල්ල සිදු වේවි.. බලාහිඳිමි..
`````````````````````````````````````````````````````````````````
෴%සඳකින්නරාවි%෴

ඉතාම කෙටි කාලයක් උනාට
මට හිතෙන්නේ ඔයා මාව
හොඳින් තේරුම් ගත්තා..
මම ගොඩාක් සතුටින් හිටියා
මග හැරෙන හැම විටම
ලොකූ දුකක් දැනුනේ.. හිත
තදින්ම වැළඳ ගත්තා..
ඒක ආදරය කියලා මම
හිතනවා.. මතකයට එන
හැම මොහොතකදිම හදවත
සියුම් වේදනාවක් දෙනවා..
හද ගැහෙනවා මට දැනෙනවා..
නිදි නැතුව දෑස් පියන් ඉද්දි
මට ඔබව පේනවා.. මේක
බොළඳ එක්පස ආදර කථාවක්
ඒත් මට මගේ දිවිය පුරාම
කවදාවත්ම අමතක නොවන
ආදරයක් සෙනෙහසක අහිමි
වුනත් මට ඔබව.. නූනත් ඔබ
මට ආදර උල්පතක් සසර පුරාම
``````````````````````````````````````````````````````````
෴%සඳකින්නරාවි%෴

මා සොයන්නේ මේ මාවතයි
මා යායුතු මේ මාවත සොයයි
මගේ ලෝකය මෙය තමයි..
යම් දිනෙක සොයා ගත නොහැකි
වුවත් ඔබට පෙනේවි බැබලෙන
සෑම රාත්‍රියකදීම.. කින්නරාවිය
හිඳින බව.. සියල්ල හැරදමා
යාමට මම සූදානම්.. මානසිකව
මොන පීඩනය වින්දත් කායිකව
වේදනා විඳිය නොහැකී.. දෛවය
සියල්ල ලියා අවසානයි.. ඔබෙන්
ඉල්ලන්නේ එක දෙයයි.. වේදනාවෙන්
තොර අවසානයක් සොයා දෙන්න..
ජීවිතය පුරාවට මට සහකාරයෙක්
දෙන්න කියලා මම දෙවියන්ගෙන්
ඉල්ලා නෑ.. ඒත් දුකින් තොර මරණක්
විතරක් මට දෙන්න කියලා විතරක්
මම දෙවියන්ගෙන් ඉල්ලා සිටිනවා..
රැගෙන එන කිසිවක් නෑ.. දමා යා
නොහැකි කිසිවකුත් මා සතු නෑ..
දවස කවදාද මා සූදානම්.. ඉතිං..
```````````````````````````````````````````````````````````````````
෴%සඳකින්නරාවි%෴

ආදරයක් හිත තුල පූදින්නේ

මහා පුදුම විදියට.. දකින

දකින කෙනාට ආදරේ කළ

නොහැකී.. ආදර හැඟීම්

හිත් තුල ඇති වෙන්න ඕනේ..

එකිනෙකාට ඔවුන්ව දැනෙන්න

ඕනේ.. මගෙ හදවත ගැහෙන්නේ

ඔබ වෙනුවෙන්.. මට දැනෙන්නේ

ඔබව.. ඔව්.. ඒක මහා පිස්සුවක්..

පාලනය කල නොහැකි පිස්සුවක්..

ඒත් ඔබ තමයි මගේ හදවතේ

ඉන්න එකම කෙනා.. වැරැද්ද

කොතනද කියන්න මම දන්නේ නෑ..

නොකිව යුතු දෙයක් කිය වුනා

විය හැකියි..මම කියපු එකත්

වැරදී.. ආදරය නිහඬව මා හිත

තුලම තිබුනාවේ.. ඉතිං ඉවරයි

සියල්ල මෙතෙකින් නිමා කරන්නම්..

මා දන්නා නිසා කවරෙක්ද යන වග

මා.. තවත් ඔබ ගැන හිතන්න තරම්

සුදුසු කමක් මා සතුව නැති නිසා..

````````````````````````````````````````````````````````````````

෴%සඳකින්නරාවි%෴

සමහර දේ මට පැහැදිලි
කරන්න බෑ.. පෙරදින මගේ
හිත රිදුම් දුන් තරම්.. මම
දන්නේ නෑ.. ඒත් මගේ හිත
ඉකිබින්ඳා.. ඒ ඔබගේ හිත
නම් මට දැනුනේ.. කිසිවක්
නොකියනා ඔබ ගොඩාක්
හඬන්නැති.. ගොඩාක් දුකින්
ඉන්නැති.. ඔබ දන්නවා නම්
සියල්ලම මා හිතනා දෙය
සත්‍ය නම්.. ඔබම තීරණය
කරන්න.. ඇයි මෙහෙම
වෙන්නේ.. මේ ආදරයද..
```````````````````````````````````````````````````
෴%සඳකින්නරාවි%෴

අහේතුකව රිදෙනවා හිත
සියල්ල හැර යන්න කියනවා
හිත.. වෙලාගත් දුක නොහැක
සඟවන්න.. තනිවෙලා බව මට
දැනෙනවා නෙව.. සදා කාලික
නැහැ කිසිදු දෙය.. මැරෙනවා
අප මැරෙන බව ස්ථිරයි හෙට..
```````````````````````````````````````
෴%සඳකින්නරාවි%෴

ඔබ නැති 
මගේ ලො‌ව 
අඳුරුයි හැම කල..
පායා එනු මැණ..
අඳුර නසන්නට..
ඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃඃ
෴%සඳකින්නරාවි%෴

ආදරේ කරණ හිත් ලඟ
කාලය ගෙවද්දි දැනෙන
සතුට පහදන්න බෑ..
අපි අපේ ආදරය ගැන
කිසිම දිනෙක නොකිව්වට
කතා කරන්න ගොඩාක්
දේ අපි ලඟ තියෙනවා..
නොදැනිම හිත් අපේ
තව තවත් ලං වෙනවා..
ආදරය මහා පුදුමයි..
ඈත් වෙන්න හිතුවත්
ඈත් වෙන්න බෑ මට
මහා ලෝභයි අතැර
යන්න.. අප අතරින්
ගිලිහෙන ඒ කාලය ගැන
මට ලෝභයි.. ගෙවෙන
හැම මොහොතක්ම ඔබ
නැතුව ගොඩාක් දුක්බරයි..
```````````````````````````````
෴%සඳකින්නරාවි%෴

ඔයත් දැන් ආදරේ ගැන 
ගොඩාක් දේ දන්නවා..නේද..
ආදරේ මහා පුදුමයි..
ආදරේ මරන්න බෑ.. හිත
තුල ආදරය දළුලන්නේ
අපටත් නොදැනීම.. ඔබෙන්
මා පතන්නේ මා ගැන හිතන්න
පමණයි.. අන් කිසිවක් නැතත්..
මම ආදරණීයව ඔබ ලඟින්ම
ඉන්නවා.. දමා යා නොහැකී..
ගියත් හිත හදාගන්න අමාරුයි..
කොහොම වෙතත් මම සතුටු
වන්නේ ආදරයක් නැතැයි සිතූ
ඔබ ආදරය ගැන කරුණු කාරණා
පහදා දෙන විටයි.. යම් දිනෙක
ඔබ අතහැරි ආදරය හෝ අතැති
ආදරය එකවර එක අයෙක් තෝරා
දෙන්නයි කියුවොතින් ඔබ සරලව
තෝරා ගන්නේ කුමක්ද.. ගැලවිය
නොහැකී.. ඔබ අපහසුවට පත්
වේවි නේද.. හැකි නම්‍ කියන්න..
````````````````````````````````````````````````````````````
෴%සඳකින්නරාවි%෴

ඔබ දන්නවද මම ඔබට 
ආදරේ තරම.. මම නම්
හිතන්නේ ඔබ මට ආදරේ
තරම් මම ඔබට ආදරේ
නැතුව ඇති.. කියායි.. ඒ
නිසයි එතරම් පුංචි දේටත්
ඔබේ හිත රිදෙන්නේ.. එක්
දිනක් ඔබ වෙනුවෙන් වචන
නොකලොත් හිත පෑරෙන්නේ..
කිසිදා නොකියන වදන් පෙලක්
මම මහත් අසීරුවෙන් එකතු
කරන්නේ.. ඒ තරමට මට
ආදරේ ලැබෙන නිසා හා මම
ආදරේ විඳින නිසා.. දිනපතා
අප්ඩේට් කරණ අප්ඩේට් වෙන
ඔබේ ආදරේ නිසා.. බොළඳ
වගේ පෙනුනට නිතරම ආදරෙයි
කියන එක ආදරේ කරණ දෙහ
දකට ගොඩාක් දැනෙනවා ඒක..
ඔබට ආදරෙයි ගොඩාක් මම..
````````````````````````````````````````````````````````````
෴%සඳකින්නරාවි%෴

දෑස් පියවෙනකල් ඉඳලා 
මගේ දෑස් ලඟ උන්නේ
ඒ ඔබයි කියලා මම අඳුනා
ගත්තා අම්මේ.. වෙනදා 
වගේ කතා නොකල ඔබ
ගේ දොරකඩ වැතිරී දෑස්
වසන් උන්නේ.. මම මහා
හයියෙන් කෑ ගහද්දී ආයේ
නැගිටින්න අම්මේ ඇස් අරින්න
අම්මේ කියද්දී ඔයා ඇස් ඇර
මා දිහා බැලුවා.. මම හැමදාම
කිව්වේ මං ගැන දුකක් හිතේ
තියෙනවා නම් වෙලාවට බෙහෙත්
බීලා නැගිටලා ඉන්න කියලයි..
ඒත් සියල්ල අනිත්‍ය බව මම
දන්නවා.. මේ ජීවිතය කියන
විභාගයෙනුත් මම අසමත්..
මේ ජීවිතය මහා දුකක් අම්මේ..
කියන්න මට පාර ඉක්මනටම
මම ඔයාව හොයන් එන්නම්..
ඉක්මනින්ම.. කාටත් හොරෙන්ම..
````````````````````````````````````````````````````````````````
෴%සඳකින්නරාවි%෴

ජීවිතේට මිනිස්සු එනවා යනවා..
මහා දුකක් ඇති කරලා නොවුනා
සේ.. හැර යනවා.. එපා වීම් සිදු
උනහම.. ගොඩාක් හේතු මැවෙන
කොට හිත හදන් දමා යන්න හරි
පහසුයි.. තම දුකම කිය කියා
ජීවිතේ ගෙවන වාට වඩා සියල්ලම
හැරදාලා එන විදියකට දවස ගත
කරන එක තමයි හොඳම.. යම්
හෙයකින් සැකයක් උපන්නම
හිත්තුල පහුරුගානා වේදනාවක්
හා කේන්තියක් ඇති වේ නම් ආදරය
කරණකොට ලොකු භාධාවක් ලංකර
ගෙන අවසානයි.. අතීතයක් ඇති
කෙනෙකු ජීවිතේම අතීතයත් සමඟ
ගත නොකලත් සමහර හේතූන්
නිසා සහ මුලින්ම අමතක කල
නොහැකී.. ගසක් කපනවා නම්
මුලත් සමගම උගුල්ලා නොදැම්
මොතින් ගස ආයෙත් දළු ලන්න
පුලුවන්.. මෙවන් හේතුමත කෙනෙක්
තුල හට ගන්නා අවිශ්වාසය නැති
කරණ එක අසීරැයි.. එහෙත් තමන්
වසන් කරණ හේතු ගෙන බැලුවොතින්
දෙදෙනා තවත් දුරස් වෙනවා මිස
යළි ලංවීමක්නම් නොවේවි.. සියල්ල
උඩු සුළඟට හසුව විනාශව යාවි..
```````````````````````````````````````````````````````````````````
෴%සඳකින්නරාවි%෴

අඳුරු හීනෙක තනිවෙලා හිඳ
දුටුව දුක්බර හීනයන් සැම
අතීතයකට මුසු වෙලා.. හිත
රිදෙනවා නම් දැන් ඉතිං මිහිරි
ආදර බස් නිසා.. ජීවිතේ මම
විඳිනවා යළි ඔබේ ආදරයත්
නිසා.. සසර මතුදා වෙන් වුනත්
අප.. රුදුරු නෑ ඔබ අවිහිංසක
නිසා.. නොරිදවාලයි මගේ හදවත
මටත් වඩා ඔබ ආදරෙ නිසා..
හිතන්නෙපා මම ඔබව හැරදා
යාවි කියලා අන් හිත් සොයා..
ලොවෙන් වෙන කවරෙකුත් නෑ..
ඔබේ ආදරේ හිමි වෙලා.. ඔබ
නොමැති ගෙවෙනා තත්පරෙත්
මට කල්ප කාලාන්තරයක් වෙලා..
වෙලෙන්නට මන් ඔබේ උණුසුමේ
බලා ඉන්නම් ඔබ පැමිනෙන තුරා..
දුරින් හිඳ මම හොරෙන් බලනවා
ඔබේ දෑස් දෙස සිත් ඇති තුරා..
```````````````````````````````````````````````````````````
෴%සඳකින්නරාවි%෴

නැවුම් දිනක් ඇරඹුවෙ ඔබත්
සමඟ.. හැම මොහොතම
හැම තත්පරයම ආදරය හිතට
දැනුනත්.. කාලය සමඟ වැඩ
කටයුතු නිසාම එක්ව ගෙවෙන
සුළු මොහොතත්.. ලෝකයක්
තරම් වටිනවා.. මා දන්නේනෑ
ආදරය හැරුණම ඔබට වෙන
නමක් දෙන්න.. යහළුවාද
සොයුරාද හිතවතාද ආදරයද
ඤාතියාද එනම් ඔබම වේ...
තවත් යමක්ද ඇත.. හුරතලාද
ඔබ නම් ඔබ හා ගෙවෙන හැම
මොහොතක්ම මට ගොඩාක්
හුඟාක් වටිනවා.. ආදරය
හිත පුරාම රෝපනය වෙලා..
හැකි හැම විටම සිසිල් පැන්
ඉස වර්ධනය කරන එක ඔබ
සතුයි.. ආදරයනම් ඒ සුවිශාල
රුක.. බලාපොරොත්තුව මම..
හීනයත් මගේ ඔබ.. හැමදාම..
``````````````````````````````````
෴%සඳකින්නරාවි%෴

තියෙන හැම අඩියක්ම

ඔබත් හිඳිනවා නම් මා

ලඟම.. මට පාළු නො

දැනේවි කවදාවත්ම..

ආදරේ උතුරාවි හැමදාම..

`````````````````````````````````````````````````

෴%සඳකින්නරාවි%෴

අන් සතු දේ අන් සතුයි
තමා සතු සියල්ල තමා
සතුයි.. තමන්ගේ නොවන
කිසිවක් කිසිවිටෙක තමා
ගේ යයි නොසිතන්න.. මක්
නිසාදයත් ඒ ඔබ ඔබවම
රවටා ගැනීමක් වන නිසා..
තමාගේ යයි තමන් සතු
යමක් වේ නම් එය යම්
දිනෙක ඔබ සොයා අනිවා
පැමිණේවි.. එතෙක් ඔබ
සතු දේ පමණක් රක්‍ෂා
කර ගන්න වෙර දරන්න..
``````````````````````````````
෴%සඳකින්නරාවි%෴

ජීවිතේ ගොඩාක් හැල
හැප්පීම් සිද්ධ වෙනවා..
අස්ථිර ලෝකයේ ස්ථිරයි
කියන්න පුළුවන් මොනවද
යථාර්තය අපි ලඟම හැම
විටම දිස් වෙනවා.. ජීවත්
වෙන්නේ ආශාවටද ආශාව
ජීවත් කරවනවද.. ආදරය
ආශාව වැඩි කරනවා.. බැඳීම්
එකතු වෙන්න එකතු වෙන්න
ආශාවන් වැඩිවෙනවා.. අප
දමා යන්න අත්හරින්න නොහැකි
ලෙස බැඳීම් වැඩි කරගන්නවා..
ආදරය ලබා ගන්න වත් බෙදා
ගන්නවත් මම තරඟ කරන්නේ
නෑ.. ඒ හැම විටම මම පරාදවී
තිබෙනවා.. තවත් ඒ පසුපස
දිවීම තේරුමක් නෑ.. සියල්ලම
ගිලිහුනත් බැඳීම් වලින් ඈත්වී
ජීවත්විය හැකි නම්.. තවත්
අයෙකුගේ දැවෙන ප්‍රශ්ණයකට
ලැබෙන විසඳුම තමන් විසින්
ඔවුනට ලබා දෙනවා.. අතහැරීම
පහසු නැහැ.. පරිත්‍යාගය උදෙසා
අත්හැරීම හදවතින් කලහැකියි..
`````````````````````````````````````````````````````````````
෴%සඳකින්නරාවි%෴

දෙනෝදාහක් දෙනා අතරත්

මගේ තනිකම දුරු කරන්නට

හදේ සියුම් දුක නිවාලන්නට

කාටවත් කල නොහැකි නම්..

ඔබව නැති මට කවමදාවත්

සිනාසෙන්නට නොහැකියි මුළු

හදින්.. මගේ ලෝකෙට පාව ආ

පුන් සඳයි ඔබ.. හදේ හැඟුමන්

ආදරෙන් පුරවා.. ජීවිතේ රස

කෙරුවෙ.. මගේ දුකත් ඔබේම

කර ගත්තෙත්.. අවැසි හැම

මොහොතක්ම මා ලඟින්ම 

හිටියෙත්.. ආදරේටමයි නේද..

`````````````````````````````````````````````````````````

෴%සඳකින්නරාවි%෴

ඔබට තවත් මා ජීවත් 
වන්නෙකු නොවෙයි..
සැබැවින්ම මගේ 
ආත්මයම මිය ගොසින්.. 
යළිඳු කිසිදා හදවත 
නොගැහේවි.. කථා
කරණ හැම විටෙකම
සුපුරුදු ලෙස ආදරෙයි
කියන්නට හිත කීවද
ඔබ විසින් මිහිදන් කල
අතීතය යළි ගොඩදමන්න
තරම් ආත්ම ශක්තියක්
මා සතු නොවුන බැවින්
සියල්ල හද තුල පමණක්
රඳවා ගන්නම්.. මා සමඟ
ආත්මයද මියෙනවානම්..
````````````````````````````````````````````
෴%සඳකින්නරාවි%෴

ඔබේ නෙතුමානේ හිඳන්
රාත්‍රියේ දිලෙනා තරැ දෙස
බලන්.. නිහඬ තාවෙන්
හිඳන්.. ගෙවන්න හෝරා
ගනන්.. සිතට සිසිලක්
වෙමින්.. සුළං යන අත
බලන්.. හිඳින්නට ඇහැකි
නම්.. ඔබේ මුහුනත් බලන්..
කැකුළු මල් පීදෙනා..
හිමිදිරියම එන තුරා..
පිණිපොකුරැ සොලවලා
නහවන්න ආසයි ඔයා..
රැයට අප අමතක වෙලා
ගෙවුන කාලය නිම වුනා..
යළිදු නොඑනා දින නිසා..
හිතේ දුක හිර වෙලා..
හිඳින්නම් සෑමදා..
ඔබට ආදරෙයි මම සදා..
``````````````````````````````````````````
෴%සඳකින්නරාවි%෴

පාට කරපු සිතුවමක
මම හැඩට ඇන්ඳ හීන
ගොඩම බොඳවෙලා ගියාම
හිස් කඩදහිය මටම ඔච්චම්
කලහම.. මම ගොඩාක් සසල
වුනා.. මම උන්නු තත්වය මට
කියලා දුන්නා.. අහේතුකව
මම හිතුවා මේ තමයි මේ
ලෝකේ ඉන්න හොඳම කෙනා
කියලා.. මෝඩ කමට මම
හිතන්නේ එහෙමයි.. එහෙත්
ලෝකය විෂමයි.. මම වගේ
හිතන්නේ මම විතරයි.. එහෙත්
මගේ හිතට සමාන හිතක් මට
හමුවුනා.. හංගන්න මම දන්නේ
නැති නිසා මම ආදරෙයි කිව්වා..
මම ආයෙත් වැරදි ඇති.. මම
එයාට ආදරෙයි කිව්වා විතරයි..
එයාගෙන් මම ආදරයක් ඉල්ලුවේ
නම් නෑ.. ආයෙත් අඬන්න මගේ
ලඟ තවත් කඳුළු නැති නිසා..
````````````````````````````````````````````````````````````````
෴%සඳකින්නරාවි%෴

දහසක් දේ එක වදනින්
කියූ ඔබ මට ආදරේ බව
හැඟුනා හුඟක්.. මුළු
රැයම පහන් වන තුරා
මට දැනුනා හුඟක්.. ඔබයි
මගේ සඳ කිරණ දුරින් හිඳ
සිසිල දෙන ඔබ නැතුව මම
කොහොම හිඳිම්දෝ කියන්..
ආදරෙයි ආදරෙයි අපි අපට
නොකිව්වාට මම දන්නවා
හොඳට.. ආදරෙයි හුඟක්..
ඔබගෙන්ම පටන් ගෙන
ඔබගෙන්ම නිමා වෙන දවස
ගෙවෙනා තරම සුන්දරයි
හැමදාම නිවෙනවා හද ගින්න..
````````````````````````````````````````````````````````
෴%සඳකින්නරාවි%෴

යම්කිසිවෙකු අහේතුකව
ඔබව ප්‍රථික්‍ෂේප කරනවා
නම්.. කිසි විටෙක හේතු
නොවිමසන්න.. මන්ද යත්
ඔබෙන් වෙන්වීමට දහසක්
හේතු ඔවුන් සතුව තිබෙන්නට
ඇත.. ඔබව වටහා ගත් හා
ඔබ හා අවංකව බැඳුණු යම්
තැනැත්තා කිසිදා ඔබව අහිමි
කර නොගනී.. වැරදි නිවරදි
කරමින් ඔබත් සමඟම හිඳීවි..
`````````````````````````````````
෴%සඳකින්නරාවි%෴

සීතලට ගුලිවෙන්න
මට හිතයි ඔබ ගාව..
උණුහුමට ලන්වෙලා
මුමුණමින් හිනැහෙන්න..
රඈ පුරා උණුසුමේ 
ආදරේ විඳගන්න..
ඔය හිතේ ආදරේ තව
තවත් වැඩිවෙන්න..
සිහිනයක පාවෙවී
ජීවිතේ ගත වෙන්න..
ගෙවෙන ගෙවෙන හැම
මොහොතෙම.. ඔබ හිනැ
හෙනවා නම් මගේ ලඟ..
සිතෙන සිතන හැම විටකම
මතකෙට එනවා නම් ඔබවම
ආදරයක් හැරැණු විටෙක
මෙලෙස උමතුවක් මොකටද
පිලිගන්නකො මම ඔයාට
ආදරේ`කරනවා සැමවිට..
``````````````````````````````
෴%සඳකින්නරාවි%෴

පෙරවගේ වෙන්න මට බැහැ
ඔබට.. ජීවිතේ විඳින මහා
දුක් ගොන්න තවම මම විඳිනවා
තනිවම.. ආදරය කල වරදට
විඳවනවා තවම.. වල්මත් වූවන්ට
නොදැනුනාට දුක විඳිනවා තවම
මම.. මගේ හිත හදන්න මගේ
ලඟම ඉඳන්.. ලෝකයක් කතා
දොඩන ඔය හිත අහන්නවත්
තරම් කාලයක් අහිමි වෙනවිට..
ආයේ මේ සසර තුල තනිවෙලා
කියා හිතෙන කොට.. දෝරෙ
ගලන සෙනෙහස තුරැල් කරන්
වැලපෙනවා හැර කුමක් කරම්ද..
ජීවිතේ පරාදව ගෙවන දිවි විටින්
මටම මා එපා කරවන තරම..
තවම මම සොයනවා කුමක්ද
මා කල වරද ආදරය හැරැනුකොට..
``````````````````````````````````````````````````````````````````
෴%සඳකින්නරාවි%෴

;

පෙර දින මට වැදුණු
අකුණු සැරයේ කම්පනය
තවමත් තියෙනවා.. ඔබේ
හදේ මටත් ඉඩක් තිබිලා
තියෙනවා.. මගේ දෑස්
තෙත්වුනා.. මට අදහාගන්න
බැරි වුනා.. ඒ ෂොක් එක

තවම තියෙනවා.. මම
වදන් දහසක් කියද්දී..
ඔබ ලස්සනට එක වදනක්
ගැලපුවා.. දෙයක් කියන්නද..
ඇත්තටම තවත් ආදරේ
වැඩිවුනා.. දුරස් උනත්
අප අපේ හිත්තුල තවත්
ලංවෙලා.. ආයේ කවදාවත්
වෙන් වෙන්න නම් බැරිවේවි..
``````````````````````````````````
෴%සඳකින්නරාවි%෴

හිතින් හිතුවට කරන්න බැරි දේ
ගොඩායි.. ආදරේ ඉදිරියේ අපි
ගොඩාක් අසරණයි.. මොන තරම්
ශක්තිමත්ව හිටියත්.. මොහොතින්
කඩන් වැටෙනවා.. දුක වේදනාව 
ගොඩාක් දැනෙනවා.. අහිමිවුනත්
ගොඩාක් ආදරේ දැනෙනවා.. හිමි
වීම කියන්නේ ජයක්.. අහිමි වීම
පරාජයක්ම නොවන.. ජයක්..
කෙනෙක්ගේ හිත තුල ජීවත්වෙන්නේ
අහිමිවූ කෙනා පමණයි.. හැම
මතකයක්ම සදහට අමතක කල
නොහැකියි.. එවන් ආදරයක් හිත්
තුල තව තවත් දළුලාවි.. මතකය
තුල සදාකාලික ජීවත් වේවි..
````````````````````````````````````````````````````````````````````
෴%සඳකින්නරාවි%෴

වසරක් ගෙවුනා..
අම්මා එක්ක කතා
කරපු අන්තිම දවසට..
අවසානයේ අතිනුයි
කතා කලෙත්.. මොනවා
කරන්නද උහුලන්න බැරි
උනහම.. අමතක කල
නොහැකි අමතක කරණ
තරමට හොඳ තවත් දවසක්....
```````````````````````````````````````````````````````
෴%සඳකින්නරාවි%෴